Endi Vatikanda ayollar jamoasi ham bor: Ishonish qiyin, ammo bu haqiqat

Dunyodagi eng mitti davlat Vatikanda Rim papasi ruxsati bilan ayollar futbol jamoasi tuzildi. Bu haqda The Guardian xabar bermoqda.

Jamoa ilk o‘yinini 26 may kuni Rim shahrining "Roma" ayollar jamoasi bilan o‘tkazdi.

Jamoa futbolchilari Vatikanda faoliyat ko‘rsatayotgan ayol xodimalar, shuningdek bu yerda ishlaydigan kishilarning xotinlari va qizlaridan tashkil topgan.

Jamoani Vatikan ayollar Assotsiatsiyasi rahbari Syuzan Volpini boshqarmoqda.

"Papa Fransisk Vatikanda ayollar uchun ko‘p ishlarni amalga oshirdi. Bu uning dasturlarida ham belgilangan. Vatikanda erkaklar futbol jamoasi tuzilganiga 48 yil bo‘ldi. Endi ayollarga ham futbol jamoasi tuzishga ijozat berilishi va ularning sport bilan shug‘ullanishlari uchun sharoit yaratilishi eng to‘g‘ri yo‘l bo‘ldi" deydi "Vatikanda sport" tashkilotining vakili Danilo Zennaro.