Farzandingiz nega xalq o‘yinlari emas, kompyuter o‘yinlariga qiziqib qolgan?

Bu haqda hech o‘ylab ko‘rdingizmi? Chunki o‘smir o‘ynayotgan kompyuter va telefon o‘yinlaridagi obrazlar, uning tasavvuriga bamisoli toshga o‘yilgan naqshdek muhrlanib, uning ongida butun umr saqlanib qoladi. Bu nafaqat ularning aqliy, balki jismoniy rivojlanishiga ham zarar yetkazmoqda.

Vaholanki, biz bolaligimizda turli xalq o‘yinlarini o‘ynardik, jismonan chiniqardik. Bugun texnika asrida smartfonlar bolalarimiz qo‘lidagi o‘yinchoq, qo‘g‘irchoq o‘rnini egallayapti. Bolalarni smartfonlardan cheklash bilan muammoni hal etib bo‘lmaydi. Chunki, har qanday taqiqlangan narsa kishining unga nisbatan qiziqishi yanada ortishiga sabab bo‘ladi.

Shu bois, bu jihatni ham hisobga olib, farzandimizni to‘g‘ri tarbiya qilaylik. Chunki xalqimizda "Tarbiya taqani to‘g‘rilaydi", degan naql bor.

Otabek Salixov,

Samarqand viloyati IIB huzuridagi TB O‘MIB tergovchisi.