Gaz quyish shoxobchasida haydovchining ehtiyotsizligi sababli “Labo” yonib ketdi
3 noyabr kuni soat 19:30 da Toshkent viloyati Zangiota tumani hududida joylashgan «Metan» gaz quyish shoxobchasida, haydovchi Sh.H. gaz to‘ldirib bo‘lgach, ulagich moslamasini uzmasdan, “Labo” mashinasida harakatni boshlagan.
Buning oqibatida yong‘in yuzaga kelgan. Yong‘in o‘t o‘chiruvchilar tomonidan bartaraf etilgan. Yong‘in natijasida tan jarohati olganlar yo‘q, deb xabar berdi IIV YHXBB axborot xizmati.
Mazkur holat yuzasidan Zangiota tumani IIB YHXB va FVB tomonidan surishtiruv ishlari olib borilmoqda.
