Guliston shahrida gumburlash va yer qimirlashga o‘xshash holatlar kuzatilmoqda
Bugun, 23 dekabr kuni Guliston shahrida yana sirli portlash ovoziga o‘xshash gumburlash va qattiq yer silkinishi, zilzila sodir bo‘lganligi aytilmoqda.
Sirdaryo viloyati FVV matbuot xizmati xabariga ko‘ra, Guliston shahrida qayd etilgan zilzilaga o‘xshash yer silkinishi va portlash kabi ovozlar bo‘yicha FVB markaziy dispetcherlik xizmatiga hech qanday yong‘in yoki portlash to‘g‘risida murojaat va qo‘ng‘iroqlar kelib tushmagan.
"Shunday bo‘lsa ham FVB xodimlari tomonidan ishchi guruh tuzilib, Guliston shahar hududi va yondosh hududlar o‘rganib chiqildi va ularda hech qanday salbiy holatlar kuzatilmagan", deyilgan xabarda.
Shuningdek, Viloyat FVB matbuot xizmati boshlig‘i Davron Sulaymonov ishtirokida Guliston shahrida kuzatilgan gumburlash va qattiq yer silkinishi hodisasi yuzasidan onlayn brifing o‘tkazilmoqda.
