Har kuzda shu bo‘lar takror... Past Darg‘omdagi Samarqand mahallaliklarning muammosi hal etiladimi?

Past Darg‘om tumani Juma shahridagi Samarqand mahallasida joylashgan nimstansiya shu hududdagi uchta mahallaga xizmat ko‘rsatadi. Nimstansiyaning bugungi ko‘rinishining o‘zi kishida xavotir uyg‘otadi.

Ammo yomg‘ir yoqqan kunlari ushbu nimstansiyada albatta, bir noxushlik, portlash sodir bo‘ladi. Kechagi yomg‘ir ham darhol ta’sir qilib, nimstansiyadagi simlarda tutashuv sodir etdi.

Aholi elektr energiyasiz qoldi. Gap faqat bunda emas. Ushbu qurilma xavfsizlik qoidalariga amal qilinmagan ko‘rinishda. Atrofda aholi gavjum. Uni qoidalarga mos holatga keltirishga mutasaddilar qachon kirisharkan, deb yozadi shu hudud fuqarosi.

Tahririyatdan: Hurmatli samarqandliklar! Sizning hududingizda ham turli muammoli holatlar mavjudmi? Uni bartaraf etishda qiynalyapsizmi? Unda ushbu holatlarning rasm va video ko‘rinishini tasvirga tushirib, telegram kanalimizga jo‘natishingiz mumkin.

Zarnews.uz sayti Siz bilan hamkorlik qilishga tayyor.