Haydovchi piyodalar yo‘lakchasidan o‘tayotgan ayolni urib yubordi

Ijtimoiy tarmoqlarda "Samarqandda "Spark" avtomobili piyodalar yo‘lakchasidan o‘tayotgan ayol kishini urib yubordi!" sarlavhasi ostida videolavha tarqaldi. Mazkur holat yuzasidan respublika IIV Yo‘l harakati xavfsizligi bosh boshqarmasi ma’lumot berdi.

Ma’lumotda aytilishicha, joriy yilning 4 iyul kuni soat 17:30 larda haydovchi, 1993 yilda tug‘ilgan X.T. "Spark" rusumli avtomobilda Samarqand shahri, Ro‘dakiy ko‘chasi bo‘ylab Beruniy ko‘chasi tomon harakatlanayotgan vaqtida piyodalar yo‘lakchasidan o‘tayotgan piyoda, 1965 yilda tug‘ilgan D.M.ni urib yuborgan.

🔹Oqibatda piyoda D.M. tan jarohati olib shifoxonaga murojaat qilgan.

❗️Mazkur holat yuzasidan Samarqand shahar IIB yo‘l harakati xavfsizligi bo‘limi tomonidan tergovga qadar surishtiruv harakatlari olib borilmoqda.