Islom birdamligi o‘yinlarida viloyatimiz sportchilari 10 ta medalni qo‘lga kiritdi

Turkiyaning Konya shahrida “V-Islom birdamligi” sport o‘yinlari bo‘lib o‘tmoqda.

Unda Islom birdamligi sport federatsiyasiga a’zo bo‘lgan 56 ta mamlakat jamoalari 1 597 ta medallar jamlanmasi uchun bahslashmoqda.
Ular orasida O‘zbekiston delegatsiyasi 265 nafar sportchi bilan 24 ta sport turidan qatnashyapti.

Delegatsiyamiz a’zolari 88 ta medal(27 ta oltin, 24 ta kumush, 37 ta bronza)ni qo‘lga kiritib, umumjamoa hisobida 3-o‘rinda bormoqda.

Terma jamoamiz tarkibida viloyatimizdan 19 nafar sportchi 10 ta sport turidan ishtirok etmoqda. Bugungi kunga qadar viloyatimiz sportchilari tomonidan ushbu xalqaro sport musobaqasida 10 ta medal(2 ta oltin, 5 ta kumush, 3 ta bronza)ni qo‘lga kiritdi.

Musobaqa 18 avgustga qadar davom etadi.