Android qurilmalar uchun Zarnews.uz mobil ilovasi. Yuklab olish x

Joriy yil hosili uchun 200 ta zamonaviy pnevmotik seyalkalardan foydalaniladi

Samarqand viloyati paxtakorlari 2021 yil hosili uchun 75 ming 356 gektar maydonga g‘o‘zaning "Sulton", "Buxoro-l02", "Omad", "S-8286" singari iqlim sharoitiga mos ertapishar va hosildor navlarini ekishni rejalashtirgan.

- Chigit ekish davrida tuproqning namligi 70 foizdan kam bo‘lmasligi kerak, - deydi Agroinspeksiyaning viloyat boshqarmasi boshlig‘i Nurmamat Tursunov. - Chigit ekishda gektariga o‘rtacha 45 kilogramdan jami 4 ming 980 tonna urug‘lik, 60 ta urug‘lik tarqatish shoxobchasi zaxirasi yaratildi. Har gektar yerga 150 kilogramdan fosforli, 50 kilogramdan kaliyli o‘g‘it qo‘shib ekilishi yuzasidan vazifalar belgilandi.

Mavsumda 962 ta chigit ekish seyalkasi qatnashadi va 200 ta zamonaviy pnevmotik seyalkalardan foydalaniladi.

Agroinspeksiyaning viloyat boshqarmasi axborot xizmati.