Jovdiragan oy qissasi

«Zarafshon»da qalami charxlangan yozuvchi Bahodir Qobul o‘quvchilariga yana ikkita kitob hadya etdi.

«Mashhur-press» nashriyotida chop etilgan «Enayo‘l» kitobiga «Enayo‘l», «Otahayot», «Otachiroq», «Enashamol» qissalari, «Enabuloq», «Otamozor», «Tanovar» hikoyalari kiritilgan.

Akademik Baxtiyor Nazarovning so‘zboshi va O‘zbekiston xalq shoiri Abdulla Oripovning so‘ngso‘zlari orqali yosh adibning ijodiy uslubi va badiiy mahorati haqida yangi xulosalarni bilib olishingiz mumkin.

Shu nashriyotdan chiqqan «Bog‘dagul» kitobidan esa «Bog‘dagul» va «Enashamol» hikoyalari, Otaulining Bahodir Qabulov ijodi haqidagi maqolasi joy olgan. Yozuvchining asarlarini o‘qisangiz, o‘zingizni daryoga qo‘shilib oqayotgandek his qilasiz, oriyat, g‘urur kabi tuyg‘ularga oshno bo‘lasiz, allomalar va xalqning ko‘plab ibora-yu naqllari mag‘zini chaqasiz.

Ijodga baraka, Bahodir!

Farmon TOShEV.