“Kasblar tanlovi”ning respublika bosqichi g‘olibiga 50 million so‘m beriladi

Xabar berganimizdek, Samarqandda “Besh tashabbus olimpiadasi” doirasida “Kasblar tanlovi”ning respublika bosqichiga start berildi.

Tanlovda 18-30 yosh toifasida dizaynerlik, 18-21 yosh toifasida novvoychilik, payvandlash, elektromontaj ustasi hamda “Yosh quruvchilar” yo‘nalishlarida hududiy bosqichlarda g‘oliblikni qo‘lga kiritgan 70 nafardan ziyod yoshlar mahoratini ko‘rsatmoqda.

Bellashuvlar Samarqand shahridagi Monomarkaz, KOICA, Qurilish sohasida malakali mutaxassislarni tayyorlash markazi binolarida o‘tkazilmoqda.

Tanlovda birinchi o‘rin uchun 50 million so‘m, ikkinchi o‘ringa 30 va uchinchi o‘rin uchun 20 million so‘m pul mukofoti hamda oltin, kumush, bronza medallari topshiriladi. Shuningdek, faol ishtirok etganga 5 million so‘m beriladi.