Kattaqo‘rg‘onda zamonaviy kushxona ishga tushdi

Kattaqo‘rg‘on tumanidagi Navbahor mahallasi hududida tadbirkor Akrom Boboyev tomonidan zamonaviy kushxona qurilib foydalanishga topshirildi.

2 milliard so‘m mablag‘ evaziga bunyod etilgan mazkur kushxona uchun zarur bo‘lgan barcha uskunalar Xitoy, Germaniya va Turkiyadan olib kelindi. Korxonaning ishga tushirilishi bilan 10 ta yangi ish o‘rni yaratildi. Bu yerda soatiga 10-15 ta qoramol so‘yish imkoniyati mavjud bo‘lib, zamonaviy muzlatkichlarda 45 tonnagacha go‘shtni saqlash mumkin.

Shuningdek, kushxona binosida veterinariya vrachi uchun laboratoriya xonasi hamda ishchi-xodimlar uchun yotoqxona, oshxona, yuvinish xonalari ham qurilgan.

Kattaqo‘rg‘on tumani hokimligi axborot xizmati.