Kattaqo‘rg‘onlik a’lochi bitiruvchilarga oltin medallar topshirildi
2019-2020 o‘quv yilida Kattaqo‘rg‘on tumani xalq ta’limi bo‘limi tasarrufidagi umumta’lim maktablarining 9-sinfini 4160 nafar va 11-sinfini 3894 nafar o‘quvchi tamomladi. Shundan a’lo baholarga o‘qigan 107 nafar 9-sinf bitiruvchilari a’lo darajadagi shahodatnomalar olishga muvaffaq bo‘ldi. 11-sinf bitiruvchilaridan 16 nafari oltin medal sohibiga aylandi.
Tuman maktablarini imtiyozli bitirgan o‘quvchilarni taqdirlash marosimi bo‘lib o‘tdi. 17-umumta’lim maktabida o‘tgan tadbirda tuman hokimi A’zamxon Bahromov ishtirok etib, imtiyozli ravishda bitirgan o‘quvchilarga oltin medallarni tantanali topshirdi. 1, 35 va 96-umumta’lim maktablarida ham sektor rahbarlari a’lo baholarga o‘qigan bitiruvchilarni taqdirlashdi.
Medallarni topshirish tadbirlarida a’lochi o‘quvchilarning ota-onalari, o‘qituvchilariga tashakkurnomalar topshirildi.
