Maktablarda III chorak darslari 13 yanvar, dushanba kunidan boshlanadi
Maktabgacha va maktab ta’limi vazirligi maktablarda III chorak darslari 13 yanvardan boshlanishini ma’lum qilgan edi.
Ota-onalar, o‘quvchilar va pedagoglarga qulaylik yaratish hamda o‘quv jarayonlarining uzluksizligini ta’minlash maqsadida qishki ta’til kunlari 2024 yil 29 dekabrdan boshlanib, 2025 yil 11 yanvarga qadar davom etishi belgilangan.
Bunda maktablarda 2025 yil 11 yanvar (shanba) kuniga belgilangan darslar 2024 yil 28 dekabr (shanba) kuniga o‘tkaziladi hamda o‘quv yilining III choragi 2025 yil 13 yanvar (dushanba)dan boshlanadi.
