Maktablarda yangi o‘quv yili 2 sentyabrdan boshlanadi, rahbar xodimlarning oylik maoshi oshiriladi

Bugungi kun holatida, umumiy o‘rta ta’lim maktablariga 86 ming 822 nafar bola 1-sinfga qabul qilingan. Adm.maktab.uz platformasi orqali ro‘yxatdan o‘tgan 1-sinf o‘quvchilariga 12 turdagi o‘quv qurollaridan iborat “Prezident sovg‘alari” yetkazib berilgan.

Respublikamiz bo‘ylab barcha umumta’lim maktablarida yangi – 2025-2026 o‘quv yili dars jarayonlari 2 sentyabrdan boshlanadi.
Maktablardagi o‘quv jarayonining birinchi dars soatlarida “Vatan uchun, millat uchun, xalq uchun!” shiori ostida “Kelajak soati” darslari o‘tkaziladi.
Respublika Prezidentining tegishli Farmoniga muvofiq, 2025 yil 1 sentyabrdan boshlab maktab direktorlarining oylik maoshi 20 foizga, direktor o‘rinbosarlarining oylik maoshi esa 15 foizga oshiriladi.
2026 yil 1 yanvardan boshlab direktor va uning o‘rinbosarlariga faoliyat samaradorligi ko‘rsatkichlari (KPI) natijasiga ko‘ra bazaviy tarif stavkalariga nisbatan 20 foizgacha ustamalar joriy qilinadi.