Marziya opaning kutubxonasi

Paxtachida hashar yo‘li bilan, Prezidentimizning 5 tashabbusi ijrosi doirasida ta’sis etilgan ma’rifat maskani barpo etildi.

- Sektor rahbari, tuman ichki ishlar bo‘limi boshlig‘i tashabbusi bilan hamda fidoyi insonlar yordamida qishloq o‘rtasida kutubxona, sartaroshxona va boshqa xizmat shoxobchalari uchun chiroyli bino barpo qilindi, - deydi kutubxonachi, faxriy o‘qituvchi Marziya Yorqulova. – Kutubxonamiz tuman hokimligi, xo‘jalik rahbari, “Zarafshon” gazetasi tahririyatining qo‘llab-quvvatlashi natijasida boy kitob fondiga ega bo‘ldi.

Darhaqiqat, bugun kutubxonaning kitob fondi ikki mingdan oshdi. Bu yerda mutolaa uchun sharoit yaratildi. Prezidentimizning yoshlar kamoloti bilan bog‘liq 5 tashabbusi mohiyati haqidagi panno, ijodiy tanlovlar g‘oliblari chizgan rasmlar zalga o‘zgacha chiroy bag‘ishlagan.

Kutubxona hozirda Urganji va Oqtepa mahallalari aholisi, ayniqsa, yoshlarning sevimli maskaniga aylangan.

Izzatulla NORQUVVATOV.