Meksika koronavirus qurbonlari soni bo‘yicha Buyuk Britaniyani ortda qoldirib, uchinchi o‘ringa ko‘tarildi

Jons Xopkins universiteti taqdim etgan so‘nggi ma’lumotlarga ko‘ra, 1 avgust holatiga Meksikada umumiy hisobda 46 688 kishi koronavirus oqibatida vafot etgan, Buyuk Britaniyada esa 46 204 nafar o‘lim holati qayd etilgan. Shu tariqa Meksika koronavirus qurbonlari soni bo‘yicha Buyuk Britaniyani ortda qoldirib, uchinchi o‘ringa ko‘tarildi.

Pandemiya boshlanganidan buyon Meksikada umumiy hisobda 424 637 nafar koronavirus infeksiyasi bilan kasallanish holati qayd etildi, ulardan 327,1 ming nafar bemor tuzaldi. Ushbu ko‘rsatkich bo‘yicha mamlakat dunyoda oltinchi o‘rinni egallab turibdi.

Koronavirus infeksiyasi bilan kasallanganlarning umumiy soni bo‘yicha AQSh yetakchilik qilishda davom etmoqda. U yerda COVID-19 infeksiyasiga chalinganlar soni 4,7 milliondan oshdi. Ulardan 153 ming nafar bemor vafot etdi va 1,4 million bemor tuzaldi.