Migratsiya agentligi Qozog‘iston va Rossiyadagi o‘zbeklarni ogohlantirdi
Tashqi mehnat migratsiyasi Rossiya va Qozog‘iston hududlarida ob-havoning keskin sovushi oqibatida yo‘llarda harakatlanish bilan bog‘liq qator noqulayliklar yuzaga kelishi sabab mazkur davlatlarda bo‘lib turgan O‘zbekiston fuqarolarini ogohlantirdi.
Ma’lum qilinishicha, ushbu davlatlarda yaqin haftalar davomida sovuq havo harorati saqlanib turadi. Shu munosabat bilan, agentlik o‘sha yerda bo‘lib turgan O‘zbekiston fuqarolaridan yo‘llarda harakatlanishda barcha xavfsizlik qoidalariga qat’iy rioya qilishni, zarurat bo‘lmaganda, uzoq masofali yo‘llarda transport vositalarida harakatlanmaslikni so‘ragan.
