Mo‘g‘ulistondan O‘zbekistonga 100 ming bosh chorva mollari olib kelinadi
⠀Prezident Qaroriga ko‘ra, 2025–2026 yillarda Mo‘g‘ulistondan O‘zbekistonga 100 ming bosh mayda shoxli mol olib kelinib, 2029 yilga qadar ular soni 1 million boshgacha yetkaziladi.
⠀
Tadbirkorlarga, havo transportida tashish xarajatlarining 50 foizi davlat byudjeti hisobidan qoplab beriladi. QQS to‘lovlari kechiktirib, foizsiz va ta’minotisiz to‘lanadi.
5 yilgacha, 2 yillik imtiyozli davr bilan kreditlar (10 foiz stavkada, shundan 3 foizi bank marjasi). Kreditlar uchun garov talablari 50 foizgacha sug‘urta yordamida yengillashtiriladi.
Imtiyozli davr 2025 yil 1 avgustdan 2027 yil 31 dekabrgacha etib belgilangan.
