Odobnoma: Mo‘ljal

Ustoz shogirdidan so‘radi:

-Nega deraza oynasiga tosh otilsa, u sinadi?

-Chunki tosh og‘ir, - javob berdi birinchisi.

-Chunki oyna sinuvchan, - dedi ikkinchisi.

-Chunki toshni uloqtirgan qo‘l kuchli, zarba esa aniq, - javob berdi uchinchisi.

-Uchovlaringiz ham to‘g‘ri javob bermadingizlar, - dedi ustoz. – Deraza shuning uchun singanki, u yopiq bo‘lgan!

Yo‘lda ochiq ko‘ngil bilan yurishni o‘rganing. Shunda dushman aniq mo‘ljal ololmaydi, o‘qi yonlab o‘tadi, qalbni sindirmaydi.

“Hikmatlar javohiri” kitobidan.