Oqdaryoda xonadonida kannabis yetishtirayotgan shaxs aniqlandi
#Tezkor
56 yoshli kishi hovlisida 8 tup giyohvandlik o‘simligi yetishtirgan, xonadoni ko‘zdan kechirilganda 30 gramm «marixuana» giyohvandlik moddasi topilgan
Viloyat davlat xavfsizlik xizmati hamda bojxona boshqarmasi xodimlari hamkorlikda Oqdaryo tumanida tezkor tadbir o‘tkazdi.
Tadbir davomida tumanning Yangiqo‘rg‘on mahallasida giyohvandlik bilan bog‘liq jinoyat fosh etildi.
Shu mahallada yashovchi, 1965 yilda tug‘ilgan fuqaro U.F. yashash xonadonida noqonuniy ravishda 8 tup «kannabis» giyohvandlik o‘simligini yetishtirib kelayotganligi aniqlandi. Uning xonadonini ko‘zdan kechirish jarayonida taxminan 30 gramm «marixuana» giyohvandlik moddasi borligi ham ma’lum bo‘ldi.
Hozirda fuqaroga nisbatan tergovga qadar tekshiruv harakatlari olib borilmoqda.
