O‘zbekiston xalq artisti Viloyat Oqilova vafot etdi
Viloyat Oqilova 1937 yilda mashhur san’atkor, raqs san’ati darg‘asi, O‘zbekiston xalq artisti Isaxor Oqilov oilasida dunyoga kelgan.
Raqqosa sifatidagi faoliyati davomida “Zang”, “Larzon”, “Shodlik”, “Xorazm lazgisi”, “Pomir raqsi”, “Afg‘oncha”, “Dilrabo”, “Shodiyona” kabi ko‘plab raqslarni mahorat bilan ijro etib, xalq e’tirofiga sazovor bo‘lgan.
Viloyat Oqilova baletmeyster sifatida “Chorzarb”, “Samandariy”, “Buxoro to‘lqini”, “Tanovor 2”, “Surnay lazgisi”, “Mavrigi” kabi qator raqslarni sahnalashtirib, o‘ziga xos maktab yarata olgan san’at darg‘alaridan biri edi.
