“O‘zingizni diabetga tekshiring" xayriya aksiyasi boshlandi
Noyabr - "Qandli diabet" oyligi munosabati bilan joriy yilning 14 noyabriga qadar Samarqand viloyat endokrinologiya dispanserida "O‘zingizni diabetga tekshiring" xayriya aksiyasi o‘tkazilmoqda.
Aksiya doirasida viloyatimiz aholisining 45 yoshdan 65 yoshgacha bo‘lgan fuqarolari qon va peshobda qand miqdorini aniqlash hamda malakali endokrinolog ko‘rigi va kerakli tavsiyalariga ega bo‘lishi mumkin.
Barcha xizmatlar viloyat endokrinologiya dispanseri hamda Umid-D diabet va nogironligi bo‘lgan bemorlarga yordam ko‘rsatish xayriya jamiyati hamkorligida bepul o‘tkaziladi.
Murojaat uchun telefon: (+99866) 237-06-22
Samarqand viloyat sog‘liqni saqlash boshqarmasi matbuot xizmati.
