Potugaliyaning “Benfika” jamoasi futbolchilariga hujum uyushtirildi

Portugaliyaning “Benfika” futbol jamoasi avtobusiga bir to‘da bezorilar tomonidan hujum uyushtirilgani aks ettirilgan videolavha ijtimoiy tarmoqlarda keng tarqaldi.

To‘da bo‘lib yig‘ilib olgan bezorilar ichida futbolchilar bo‘lgan avtobusni yurib ketayotgan joyida to‘xtatib, tosh bo‘ron qilishgan. Shuningdek, videolavhada bezorilar yonuvchi vositalardan ham foydalanganliklarini ko‘rish mumkin.

Hujum oqibatida avtobus oynalari sindirilgan, nemis yarim himoyachisi Yulian Vaygl va Serbiyalik Andriya Jivkovich jarohatlangan. Oyna siniqlaridan jarohatlangan ikkala futbolchi ham Lissabon kasalxonasiga yetqizilgan.