"Qoratepa-Samarqand" yo‘nalishida nega avtobus qatnamay qo‘ydi?

Urgut tumanining Qoratepa va Samarqand shahri oralig‘i 30 kilometrdan iborat. Atrofdagi qishloqlarni hisobga olsak, hududda 30 mingdan ziyod aholi yashaydi.

Shaharga qatnab ishlaydigan talaba, ishchi-xizmatchilar ko‘p. Shularni hisobga olib, o‘tgan yili "Qoratepa-Samarqand" yo‘nalishida avtobus qatnovi yo‘lga qo‘yilgan edi. Keyinchalik negadir bu yo‘nalish olib tashlandi.

Endi odamlar shaharga kirakash haydovchilar o‘rnatgan "qat’iy tartib" bo‘yicha kelib-ketishga majbur bo‘lmoqda.

Hozir yo‘lkira haqi 15 ming so‘m. Bir kunda bir kishining shaharga borib-kelishi 30 ming so‘m, bir haftada 210 ming so‘m, bir oyda 900 ming so‘m bo‘ladi. Havoning qor-yomg‘irli kunlarida yo‘lkira haqi yana oshib boraveradi. Shu bois, "Qoratepa-Samarqand" yo‘nalishi qayta tiklansa yaxshi bo‘lardi.

Fazliddin Ro‘ziboyev.