Samarqand shahridagi eng yirik avtobus yo‘nalishlaridan biri qayta tiklandi
Viloyat transport boshqarmasi xabariga ko‘ra, M12-sonli “Hazora ABB - Siyob ABB” shahar avtobus yo‘nalishi qayta tiklandi.
Yo‘nalish «Hazora» avtoboshbekatidan boshlanib, Spitamen shoh, Qozizoda Rumiy, Abu Rayhon Beruniy, Rudakiy, Gagarin, Navoiy shoh, Kurchatov, «Rudakiy» (Siyob bozor), Shohi Zinda, Usta Umar Jo‘raqulov, Shabod va Panjikent ko‘chalari orqali Siyob ABBda (Kaftarxona) harakatni yakunlanadi.
Yo‘nalishda 10 ta «Yutong» rusumli elektrobus xizmat ko‘rsatadi. Elektrobuslarda elektron to‘lov tizimi mavjud.
