Rossiyada o‘zbek milliy mahsulotlari ko‘rgazmasi o‘tkaziladi
Hukumatning tegishli farmoyishiga binoan, O‘zbekiston va Rossiya o‘rtasidagi savdo-iqtisodiy va investitsiyaviy hamkorlikni faollashtirish hamda yanada kengaytirish, shuningdek, Rossiya ishbilarmonlik doiralari va jamoatchiligini mamlakatimizda ishlab chiqarilayotgan mahsulotlar bilan keng tanishtirish maqsadida noyabr-dekabr oylarida “Made in Uzbekistan” milliy mahsulotlar ko‘rgazmalari o‘tkaziladi. Bu haqda O‘zA xabar berdi.
Jumladan, ko‘rgazmalar quyidagi shaharlarda bo‘lib o‘tadi:
👉 Samara - 10-14 noyabr;
👉 Sankt-Peterburg - 23-24 noyabr;
👉 Qozon - 1-2 dekabr;
👉 Moskva - 15-16 dekabr.
Shuningdek, Hukumat farmoyishi bilan mas’ul tashkilotlarga ko‘rgazmalarni samarali o‘tkazish bilan bog‘liq tegishli topshiriqlar berildi.
