Sharqning buyuk allomalariga “jon bag‘ishlagan” rassomlar ko‘rgazmasi bo‘lib o‘tadi
27 mart – Xalqaro teatr kuni munosabati bilan Samarqand shahridagi “Chorsu” galereyasida “Otam haqida suhbat” deb nomlangan rasmlar ko‘rgazmasi o‘tkaziladi.
Viloyat hokimligi, viloyat madaniyat boshqarmasi, respublika Badiiy ijodkorlar uyushmasi viloyat bo‘limi hamkorligida tashkil etilayotgan ko‘rgazmada O‘zbekiston Respublikasi san’at arbobi, taniqli teatr rassomi, rangtasvir ustasi va ssenografiya san’atida O‘zbekistonning birinchi milliy musavviri, marhum Davron Safoyev hamda uning izdoshi-farzandi – teatr rassom, arxitektor va dizayner Bahrom Safoyevning asarlari namoyish etiladi.
27 mart, soat 14:00 da boshlanadigan ko‘rgazmadan ushbu ikki rassomlik ijodiy xazinasidan joy olgan rangtasvir asosidagi buyuk mutafakkir va allomalarimiz portretlari, tarixiy rasmlar o‘rin olgan.
