Rossiyadagi Xorijiy fuqarolarni vaqtinchalik saqlash markazidan yana 6 kishi olib kelindi
Bugun, 11 fevral kuni Rossiya Federatsiyasi Ichki ishlar vazirligining Xorijiy fuqarolarni vaqtinchalik saqlash markazidan 6 nafar yurtdoshimiz "Moskva – Toshkent" yo‘nalishidagi charter reys orqali yurtimizga olib kelindi. Bu haqda Tashqi mehnat migratsiyasi agentligi matbuot xizmati xabar qildi.
O‘zbekistonning Moskva shahridagi elchixonasi bilan hamkorlikda olib kelingan yurtdoshlarimiz bilan Tashqi mehnat migratsiyasi agentligi vakillari profilaktik tadbir o‘tkazdi hamda ularga moddiy yordam pullari berilib, doimiy yashash manzillariga kuzatib qo‘yildi.
Eslatib o‘tamiz, Rossiya Xorijiy fuqarolarni vaqtinchalik saqlash markazidan joriy yilning 23 yanvar kuni 13 nafar, 4 fevral kuni 7 nafar yurtdoshimiz yurtimizga olib kelingan edi.
