Samarqand shahridagi korxonada yong‘in yuz berdi

Kecha, 5 dekabr kuni soat 11:29 da viloyat FVBga Samarqand shahrida joylashgan MChJda yong‘in sodir bo‘layotganligi to‘g‘risida xabar kelib tushgan.

Shunga ko‘ra, voqea joyiga 5 ta yong‘in-qutqaruv ekipaji yetib borgan. Yong‘in soat 12:06 da qurshab olingan va 13:35 da bartaraf etilgan.

Yong‘in oqibatida, gulqog‘oz ishlab chiqarish korxonasining taxminan 170 metr kvadrat maydonda shifti, tom qismi hamda bino ichidadagi paxta, qog‘oz, dastgoh va boshqa jihozlar yonib zararlangan.

Viloyat Favqulodda vaziyatlar boshqarmasi axborot xizmati xabariga ko‘ra, hodisada hech kim jabrlanmagan va halok bo‘lmagan.

Hozirda yong‘inning kelib chiqish sababi va moddiy zarar miqdori aniqlanmoqda.