Samarqand viloyati hokimining QARORI

01.02.2020 11:42
1951
Samarqand

Samarqand viloyatida 2020 yilda davlat ko‘chmas mulkidan foydalanganlik uchun ijara to‘lovining eng kam stavkalarini tasdiqlash to‘g‘risida

O‘zbekiston Respublikasi Vazirlar Mahkamasining 2009 yil 8 apreldagi “Davlat mulkini ijaraga berish tartibini takomillashtirish chora-tadbirlari to‘g‘risida”gi 102-sonli (O‘zbekiston Respublikasi qonun hujjatlari to‘plami, 2009 y., 15-son, 186-modda) qarorining 3-bandiga muvofiq, O‘zbekiston Respublikasi Davlat aktivlarini boshqarish agentligining 2019 yil 30 dekabrdagi 1752/03-13-sonli xati bilan taqdim etilgan Davlat aktivlarini boshqarish agentligi, Iqtisodiyot va sanoat vazirligi va Moliya vazirliklari o‘rtasida kelishilgan 2020 yilda davlat ko‘chmas mulkidan foydalanganlik uchun ijara to‘lovining eng kam stavkalarini inobatga olib QAROR QILAMAN:

1. Quyidagilar:

Samarqand viloyatida 2020 yilda davlat ko‘chmas mulkidan foydalanganlik uchun ijara to‘lovining eng kam stavkalari 1-ilovaga;

ijara to‘lovi stavkalariga qo‘llaniladigan oshiruvchi koeffitsiyentlar 2-ilovaga muvofiq tasdiqlansin.

2. “Samarqand viloyat davlat mulkini ijaraga berish markazi” davlat unitar korxonasi (B.Payshanov)ga:

davlat mulkini ijaraga berishni tashkil etish va ijaraga berish;

ijaraga berilgan davlat mulkini va uni ijaraga berishdan tushadigan mablag‘larni hisobga olish va monitoringini olib borish;

ijaraga beriladigan davlat mulki bo‘yicha ma’lumotlar bazasini shakllantirish;

ijara ob’yektlaridan maqsadli foydalanilishini va ularning saqlanishini, shuningdek ijara to‘lovi o‘z vaqtida va to‘liq to‘lanishini nazorat qilish;

foydalanilmayotgan davlat mulki ijaraga berilishi to‘g‘risidagi e’lonlarni va ijaraga berilayotgan davlat mulklari ro‘yxatlarini davriy nashrlarda hamda O‘zbekiston Respublikasi Davlat aktivlarini boshqarish agentligi Samarqand viloyat hududiy boshqarmasi va Savdo-sanoat palatasi viloyat hududiy boshqarmalarining veb-saytlariga joylashtirilishini ta’minlash topshirilsin.

3. “Samarqand viloyat davlat mulkini ijaraga berish markazi” davlat unitar korxonasi (B.Payshanov), viloyat davlat soliq boshqarmasi (Sh.Axmedov), shahar va tumanlar hokimliklari hududlarda ijara munosabatlarini tartibga solish, ijaraga berilayotgan davlat mulki hisobotini to‘g‘ri yuritish va byudjetga qo‘shimcha mablag‘larni jalb qilish maqsadida davlat mulkini balansda saqlovchilar tomonidan ijaraga berish samaradorligini oshirish va tashkillashtirishda o‘zaro hamkorlikni yo‘lga qo‘ysin.

4. Viloyat hududida 2020 yilda davlat mulki bo‘lgan binolar va xonalarda joylashgan byudjet tashkilotlari uchun ijara to‘lovining nol stavkasi belgilansin.

5. Viloyat hokimligi axborot xizmati rahbari-matbuot kotibi (M.Mirzayev), viloyat hokimligi huzuridagi “Axborot-kommunikatsiya texnologiyalarini rivojlantirish markazi” davlat unitar korxonasi (A.Anvarov) mazkur qarorni “Zarafshon” va “Samarkandskiy vestnik” gazetalarida e’lon qilinishini hamda viloyat hokimligining rasmiy veb-saytiga joylashtirilishini ta’minlasin.

6. Viloyat hokimining 2019 yil 12 yanvardagi “Samarqand viloyatida 2019 yilda davlat ko‘chmas mulkidan foydalanganlik uchun ijara to‘lovining eng kam stavkalarini tasdiqlash to‘g‘risida”gi 16-Q-sonli qarori o‘z kuchini yo‘qotgan deb hisoblansin.

7. Mazkur qarorning ijrosini nazorat qilish viloyat hokimining birinchi o‘rinbosari J.O‘roqov zimmasiga yuklatilsin.

8. Ushbu qaror rasmiy e’lon qilingan kundan boshlab kuchga kiradi.

Viloyat hokimi E.TURDIMOV

2020 yil 29 yanvar,

№ 15-Q

Viloyat hokimining 2020 yil 29 yanvardagi 15-sonli qaroriga 1-ilova

Samarqand viloyatida 2020 yilda davlat ko‘chmas mulkidan foydalanganlik uchun ijara to‘lovining eng kam stavkalari

(bir yilga umumiy foydalanish maydonining 1 kv.m uchun)

T/r	Ijaraga beriladigan maydondan foydalanish maqsadi	1 kv.m uchun yillik eng kam stavka (so‘mda)
T/r	Ijaraga beriladigan maydondan foydalanish maqsadi	Samarqand shahri uchun	Tumanlar va shaharlar uchun
Sanoat
1	Yoqilg‘i sanoati	7 560	6 125
2	Kimyo sanoati	7 560	6 125
3	Neft-kimyo sanoati	7 560	6 125
4	Mashinasozlik	7 560	6 125
5	Dastgohsozlik va asbobsozlik sanoati	7 560	6 125
6	Hisoblash texnika vositalari sanoati	7 560	6 125
7	Traktor va qishloq xo‘jalik mashinasozligi	6 210	5 000
8	Qurilish, yo‘l va kommunal mashinasozlik	6 210	5 000
9	Yengil va oziq-ovqat sanoati hamda maishiy priborlar mashinasozligi	6 210	5 000
10	Sanitar-texnik va gaz uskunalari hamda buyumlari ishlab chiqarish	7 560	6 125
11	Metall konstruksiya va buyumlar sanoati (tokarlik xizmati)	7 560	6 125
12	Mashina va uskunalarni ta’mirlash	7 560	6 125
13	Mashinasozlikning boshqa tarmoqlari	7 560	6 125
O‘rmon, yog‘ochni qayta ishlash va sellyuloza-qog‘oz sanoati
14	Yog‘ochni tayyorlash sanoati	7 560	6 125
15	Yog‘ochni qayta ishlash sanoati	7 560	6 125
16	Sellyuloza-qog‘oz sanoati	7 560	6 125
17	Qurilish materiallari sanoati	7 560	6 125
Yengil sanoat
18	To‘qimachilik sanoati	7 560	6 125
19	Tikuvchilik sanoati	7 560	6 125
20	Charm, mo‘yna va poyabzal sanoati	7 560	6 125
21	Yog‘ochdan mebel, eshik va romlar ishlab chiqarish	22 680	18500
22	Yengil sanoatning boshqa ishlab chiqarish sohalari	7 560	6 125
Oziq-ovqat sanoati
23	Oziq-ovqat sanoati (baliq, go‘sht, yog‘-pishloq va sut sanoatidan tashqari)	7 560	6 125
24	Go‘sht va sut sanoati	7 560	6 125
25	Baliqchilik sanoati	7 560	6 125
26	Un, yog‘ ishlab chiqarish sanoati	7 560	6 125
27	Kombikorm sanoati	6 210	5 000
28	Oziq-ovqat sanoatining boshqa tarmoqlari	7 560	6 125
Sanoatning boshqa sohalari
29	Tabobat sanoati	7 560	6 125
30	Nashriyot sanoati	21 195	17 375
31	Kiyim-kechak va gazlamadan tayyorlangan boshqa buyumlarni kimyoviy tozalash, bo‘yash, yuvish va ularga ishlov berish	9 180	7 375
32	Sanoatni xo‘jalik boshqarish	21 195	17 375
Qishloq xo‘jaligi
33	O‘simlikchilik ( shu jumladan, issiqxona) 1 ga.	3 023 460	2 469 000
34	Chorvachilik va parrandachilik	3 645	3 000
35	Baliqchilik (shu jumladan, pitomniki) 1 ga.	3 023 460	2 469 000
36	Asalarichilik 1 ga.	1 965 600	1 605 000
37	Veterinariya xizmati	7 560	6 125
38	Qishloq xo‘jaligiga xizmat ko‘rsatuvchi boshqa tashkilotlar	7 560	6 125
39	O‘rmon xo‘jaligi ( shu jumladan, bog‘lar) 1 ga.	3 023 460	2 469 000
Transport va aloqa
40	Jamoat yer osti temir yo‘l transportidan foydalanish	7 560	6 125
41	Avtomobil xo‘jaligi (avtojamlanma, taksopark, avtostoyanka, garaj va avtomoyka)	7 560	6 125
42	Avtomobil xo‘jaligi (shtraf maydonlari)	1 890	1 625
43	Avtomoyka	24 300	17 500
44	Avtozapravka	24 300	22 500
45	Aholi buyurtmasiga asosan yuk tashish va boshqa avtomobil ekspeditsiyasi	13 635	11 250
46	Pochta aloqasi	7 560	6 125
47	Kurerlik aloqasi	15 120	12 250
48	Elektr-kabel aloqasi	15 120	12 250
49	Radio, uyali va peydjing aloqasi (moslama tortqich tortilgan simlar perimetri bo‘yicha, shu jumladan inshoot va texnologik hududlar)	63 585	51 875
Qurilish
50	Qurilish	7 560	6 125
51	Loyiha, loyiha-qidiruv va qidiruv tashkilotlari	7 560	6 125
52	Plastik eshik va romlar ishlab chiqarish	37 950	29 160
Savdo va umumiy ovqatlanish
53	Ulgurji savdo	21 195	17 375
54	Tovarlarni to‘plamlab (partiyalab) sotish bilan shug‘ullanadigan ulgurji bozorlar	54 405	44 375
55	Chakana savdo	21 195	17 375
56	Umumovqatlanish	21 195	17 375
57	Yarim tayyor oziq-ovqat mahsulotlarini tayyorlash va sotish (fast-fud)	33 210	25 000
58	Kitob do‘konlari	2 970	2 500
59	Uy-ro‘zg‘or buyumlari va maishiy buyumlarni ijaraga berish	21 195	17 375
60	Xalq iste’moli mollarini olish, sotish va sotib olishda vositachilik xizmati	33 210	27 125
61	Moddiy-texnika ta’minoti va sotish	21 195	17 375
62	Axborot-hisoblash xizmati	21 195	17 375
63	Internet va kompyuter tarmog‘i bo‘yicha xizmat ko‘rsatish	21 195	17 375
64	Ko‘chmas mulk bilan bog‘liq bitimlar	21 195	17 375
65	Reklama, vakolatlik xizmati	21 195	17 375
66	Marketing tadqiqotlari, tijoriy faoliyat, moliya va boshqaruv masalalari bo‘yicha maslahat xizmati	21 195	17 375
67	Geologiya va yer osti boyliklarini o‘rganish. Geodeziya va gidrometrologiya xizmati	37 800	30 750
68	Tahririyat va nashriyot	12 150	9 875
69	Metall va chiqindilarni yig‘ish idorasi	12 150	9 875
70	Turarjoy xo‘jaligi (TSJ)	12 150	9 875
71	Mehmonxona xo‘jaligi	24 165	19 750
72	Yotoqxona	18 900	15 000
73	Aholiga maishiy xizmatning noishlab chiqarish turlari bo‘yicha xizmat ko‘rsatish	12 150	9 875
74	Sartaroshlik, fotosalon, poyabzal ta’mirlash ustaxonalari	18 225	15 000
75	Lombard	27 405	22 375
76	Hammom	36 450	29 750
77	Sauna va cho‘milish havzasi	72 630	59 375
Sog‘liqni saqlash, jismoniy tarbiya va ijtimoiy qo‘llab quvvatlash
78	Sog‘liqni saqlash	15 120	12 250
79	Dam olish va turizm	15 120	12 250
80	Fitobar	10 530	8 500
81	Madaniy ko‘ngil ochish (bilyard, o‘yin avtomatlari, diskoteka va boshqalar)	24 165	19 750
82	Jismoniy tarbiya va sport	7 560	6 125
83	Dorixona muassasalari	12 150	9 875
84	Optika va tibbiy jihozlar sotish do‘konlari	21 735	15 660
85	Ijtimoiy dorixona muassasasi	9200	7992
Ta’lim
86	Oliy va o‘rta maxsus ta’limga ega kadrlarni tayyorlash (shu jumladan, o‘quv kurslari )	12 150	9 875
87	Ishchi va boshqa ishchi xodimlarni tayyorlash va malakasini oshirish	9 450	8 125
88	Umumta’lim bolalar maktablari (nodavlat ta’lim muassasalari uchun)	6 210	5 000
89	O‘quv muassasalarida umumiy ovqatlanishni tashkil etish	7 560	6 125
90	Maktabgacha tarbiya (nodavlat muassasalari uchun)	5 400	4 625
91	Madaniyat va san’at	21 195	17 375
92	Ko‘rgazmalar	16 335	14 000
93	Maktabdan tashqari tarbiya	6 210	5 000
94	Madaniy va dam olish istirohat bog‘lari	15 120	12 250
95	Botanika va hayvonot bog‘lari	15 120	12 250
96	Televideniye va radioeshittirish	15 120	12 250
97	Kinostudiya, ovoz yozish studiyasi	24 165	19 750
98	Fan va ilm-fan xizmatlari	9 180	7 375
99	Haydovchilik maktablari	13 500	8 750
Moliya-kredit faoliyati
100	Moliya, kredit (sug‘urta va auditorlik faoliyatidan tashqari) nafaqa ta’minoti	21 195	17 375
101	Auditorlik faoliyati	21 195	16 250
102	Bank faoliyati	21 195	17 375
Boshqa faoliyat turlari
103	Sug‘urta	21 195	17 375
104	Sud va huquqiy xizmatlar	18 225	15 000
105	Advokatlar hay’ati va huquqiy maslahatlari	18 225	15 000
106	Jamoa birlashmasi	6 210	4 875
107	Omborxona	21 195	17 375
108	Davlat korxonalari uchun idora	9 180	7 375
109	Xususiy tashkilotlari uchun idora	33 210	27 125
110	Arxivlash xizmati	9 180	6 250
111	Yengil va boshqa transport vositalarini ta’mirlash va texnik xizmat ko‘rsatish (shu jumladan, vulkanizatsiyalar)	24 165	19 750
112	Laboratoriyalar	15 120	12 250
113	Boshqa turdagi xizmat to‘lovi (paynet)	60 750	49 500
114	Madaniy meros ob’yekti bino-inshootlarida savdo	33 210	27 125
115	Madaniy meros ob’yekti bino-inshootlarida umumiy ovqatlanish	29 025	23 750
116	Aviakassa (shu jumladan, temir yo‘l, transport va boshqalar)	33 210	27 125
117	Bankomatlar	302 940	247 375
118	Non va bulochka mahsulotlarini tayyorlash (konditer mahsulotlari: tortlar, pishiriqlar va boshqalar)	18 055	15 012

Izoh:

- O‘zbekiston Respublikasi Vazirlar Mahkamasining 2009 yil 30 iyundagi 07/10-41-son majlis Bayonnomasining 11-bandiga muvofiq mulkiy shaklidan qat’iy nazar dorixona muassasalarining filiallari QVP binolarida faoliyat ko‘rsatayotganligi uchun ijara nol stavkasi qo‘llaniladi.

- O‘zbekiston Respublikasi Vazirlar Mahkamasining 2012 yil 22 noyabrdagi
02/1-74-sonli topshirig‘iga muvofiq, O‘zbekiston Respublikasi Mudofaa vazirligi Savdo boshqarmasining tarkibiy qismlari uchun yopiq harbiy shaharchalar, harbiy qism va muassasalari hududlarida joylashgan ko‘chmas mulk davlat mulkidan foydalanganda ijara to‘lovining nol stavkasi qo‘llaniladi.

- O‘zbekiston Respublikasi Vazirlar Mahkamasining 2017 yil 16 oktyabrdagi “Yoshlar tadbirkorlik klasterlarini tashkil etishga doir tashkiliy chora-tadbirlar to‘g‘risida”gi 834-son qaroriga muvofiq foydalanilmayotgan, shu jumladan erkin iqtisodiy va kichik sanoat zonalari hududida joylashgan davlat mulki O‘zbekiston yoshlar ittifoqi a’zosi bo‘lgan yosh tadbirkorlarga O‘zbekiston yoshlar ittifoqining shahar hamda tuman kengashlarining iltimosiga ko‘ra 5 yildan ko‘p bo‘lmagan muddatga ijara haqining “nol” stavkasi bo‘yicha ijaraga beriladi;

- O‘zbekiston Respublikasi Vazirlar Mahkamasining 2017 yil 16 avgustdagi
14/1-1959-sonli topshirig‘iga asosan, Olimpiada o‘yinlarining g‘olib va sovrindorlari uchun sport faoliyatini saqlab qolish sharti bilan aholi gavjum joylarda sport majmualarini tashkil etish maqsadida O‘zbekiston Respublikasi Jismoniy tarbiya va sport davlat qo‘mitasining taqdimnomasiga asosan davlat ko‘chmas mulkidan hamda yer ajratishda ijara haqining “nol” stavkasi qo‘llaniladi.

- O‘zbekiston Respublikasi Vazirlar Mahkamasining 2018 yil 1 avgustdagi 609-20-sonli buyrug‘iga binoan Mudofaa vazirligi tomonidan davlat unitar korxonalariga, shuningdek Mudofaa vazirligi timzimidagi boshqa xo‘jalik yurituvchi, o‘z-uzini moliyalashtiruvchi bo‘limlariga beriladigan binolar, xonalar, jihozlar, uskunalar, mebellar va boshqa mol-mulklar uchun ijara to‘lovi “nol” stavkada o‘rnatiladi.

- O‘zbekiston Respublikasi Prezidentining 2019 yil 22 maydagi
PQ-4329-sonli qaroriga asosan davlat ko‘chmas mulkidan telekommunikatsiya ob’yektlarini o‘rnatishda foydalanganlik uchun ijara to‘lovining eng kam stavkalari, oshiruvchi koeffitsiyentlarni qo‘llamagan holda, “simli elektr aloqasi”dan foydalanish maqsadi bo‘yicha stavkaga teng miqdorda o‘rnatiladi.

Viloyat hokimining 2020 yil 29 yanvardagi 15-sonli qaroriga 2-ilova

Ijara to‘lovi stavkalariga qo‘llaniladigan oshiruvchi koeffitsiyentlar

I. Hududiy zonalar koeffitsiyenti – (Kz)
№	Hududlar nomi	Zonalar	Koeffitsiyent
1	Samarqand shahar	1	3
2	Farhod shaharchasi Kimyogarlar shaharchasi So‘lim shaharchasi (Xishrav MFY)	2	2
3	Kattaqo‘rg‘on shahar	3	2
4	Tuman markazlari	3	2
5	Tuman qishloqlari	4	1,5
II. Binoning qurilish turi bo‘yicha koeffitsiyenti – (Kk)
2.1	Alohida turgan bino		1,5
2.2	Binoga taqab qurilgan		1,4
2.3	Binoning ustki qismi, cherdak, boloxona		0,9
2.4	Yarim yerto‘la, yerto‘la		0,7
2.5	Betonlashtirilgan (asfaltlangan) inshootlar		0,8
III. Tutashib ketgan hududdan foydalanish koeffitsiyenti (Kk)
3.1	Yer maydoni mavjud bo‘lganda		0,8
IV. Tijorat maqsadida foydalanishda qulaylik koeffitsiyenti – (Ko)
4.1	Asosiy qatnov yo‘llarida joylashganda		0,6
4.2	Ikkinchi darajali transport qatnovi yo‘llarida joylashganda		0,5

Izoh: O‘zbekiston Respublikasi Vazirlar Mahkamasining 2009 yil 8 apreldagi 102-sonli qarori bilan tasdiqlangan Nizomning 10-bandiga muvofiq, mol-mulkning boshqa turlari uchun ijara to‘lovi stavkasini hisoblashda, agar ijaraga topshirilayotgan mulkdan amalda foydalanilgan muddat, undan samarali foydalinish muddatidan ortiq bo‘lmasa yoki ushbu muddatda teng bo‘lsa yoki amalda foydalanilgan muddatni aniqlash mumkin bo‘lsa – mol-mulk tiklanish qiymatining 30 foizidan, agar ijaraga topshirilayotgan mol-mulkdan amalda foydalanilgan muddat undan samarali foydalanish muddatidan ortiq bo‘lsa – mol-mulk tiklanish qiymatining 20 foizidan kam bo‘lishi mumkin emas.

Ijrochi: Viloyat hokimligi bosh mutaxassisi E.Ashurov

“Samarqand viloyat Davlat mulkini ijaraga berish markazi” DUK direktori B.Payshanov.

Kanalga qo'shiling So'nggi yangiliklar telegram kanalimizda