Samarqand yana bir xalqaro anjuman mezboni
Avval xabar qilinganidek, 3-5 mart kunlari Samarqand shahrida “Imom Abu Mansur Moturidiy va moturidiya ta’limoti: o‘tmish va bugun” mavzuidagi xalqaro konferensiya o‘tkazilmoqda.
Mazkur tadbirda qatnashish uchun dunyoning yigirmaga yaqin mamlakatidan olimlar, diniy ulamolar, xalqaro tashkilotlar vakillari Samarqandga kelmoqda. Shahardagi mehmonxonalarda mehmonlar uchun barcha zarur shart-sharoitlar yaratilgan.
Asosiy tadbirlar 3 mart kuni Forumlar majmuasida o‘tkazilishi rejalashtirilgan.
Xalqaro konferensiya doirasida mehmonlar Samarqand shahridagi Imom Moturidiy yodgorlik majmuasi va boshqa muqaddas qadamjolar, tarixiy obidalarni ziyorat qilishi, Imom Buxoriy xalqaro ilmiy-tadqiqot majmuasi va Hadis ilmi maktabi bilan tanishishi ko‘zda tutilgan.
Alisher Isroilov (surat).
