Samarqandda Asosiy olimpiadaning viloyat bosqichi bo‘lib o‘tmoqda
Fan olimpiadasi Samarqand shahrining 82-umumiy o‘rta ta’lim maskanida tashkil etildi.
Unda birinchi guruh, ya’ni matematika, fizika, kimyo, biologiya, informatika fanlaridan 9-11-sinf o‘quvchilari o‘z bilimlarini sinovdan o‘tkazmoqda.
Shuningdek, 1-3 dekabr kunlari ikkinchi guruh fanlaridan fan olimpiadasining viloyat bosqichi bo‘lib o‘tadi.
Asosiy olimpiadaning viloyat bosqichida tuman (shahar) bosqichida g‘olib bo‘lgan 2 841 nafar o‘quvchi qatnashadi.
Shaffoflikni ta’minlash maqsadida olimpiada jarayonlarini viloyat maktabgacha va maktab ta’limi boshqarmasining ijtimoiy tarmoqlardagi rasmiy sahifasi orqali onlayn kuzatish imkoni berilgan.
