Samarqanddan Toshkentga qariyb 1 tonna yaroqsiz go‘shtni olib ketayotgan yuk mashinasi to‘xtatildi
“Sirdaryo” YPX maskanida o‘tkazilgan tadbir davomida "Samarqand – Toshkent" yo‘nalishida harakatlanib borayotgan ISUZU yuk mashinasi xolislar ishtirokida to‘xtatilib, tekshirilganda, X.Sh. boshqaruvidagi avtomashina yukxonasida hech qanday hujjatlarsiz, kelib chiqishi noma’lum bo‘lgan 941 kilogramm hayvon go‘shti borligi aniqlandi. Bu haqda IIV axborot xizmati xabar berdi.
Viloyat hayvonlar kasalliklari tashxisi va oziq-ovqat mahsulotlari xavfsizligi davlat markazi mutaxassislari tomonidan laboratoriya tekshiruvlari uchun namunalar olingan.
Hozirda aniqlangan holat yuzasidan Sirdaryo viloyati IIB Tezkor-qidiruv xizmati JQB mas’ul xodimlari tomonidan surishtiruv harakatlari olib borilmoqda.
