Bulung‘urda iste’molga yaroqsiz 900 kilogramm go‘sht olib ketayotgan yuk mashinasi to‘xtatib qolindi
Bulung‘ur tumanida joylashgan “Yuqori nuqta” YPX maskanida “Samarqand-Toshkent” yo‘nalishida harakatlanib ketayotgan, 30R040BB davlat raqamli, “ISUZU” rusumli avtomobil to‘xtatib tekshirilganda, mashina salonida jami og‘irligi 900 kilogramm bo‘lgan go‘sht borligi aniqlangan.
Mutaxassislarda shubha uyg‘otgan ushbu mahsulot Bulung‘ur tuman hayvonlar kasalliklari tashxisi va oziq-ovqat mahsulotlari xavfsizligi davlat markazida tekshirilganda, bu go‘sht iste’molga yaroqsizligi bo‘yicha xulosa qilingan.
Viloyat IIB JXX jamoat tartibini saqlash boshqarmasi karantin tadbirlarini ta’minlash guruhining ma’lum qilishicha, ushbu go‘sht tegishli tartibda yo‘q qilingan va uni sotish maqsadida olib ketayotgan Kattaqo‘rg‘on shahrida yashovchi fuqaro M.A.ga nisbatan qonunchilikka ko‘ra chora ko‘rildi.
