SamDTUda “Talabalikka bag‘ishlov qasamyodi» bo‘lib o‘tdi

Samarqand davlat tibbiyot universitetining 1-bosqich talabalari uchun «Talabalikka bag‘ishlov qasamyodi» tadbiri tashkil etildi.

Talabalarning tantanali qasamyod marosimida universitet rahbariyati, professor-o‘qituvchilar hamda 1-bosqich talabalari ishtirok etdi.

Tadbirda universitet rektori Jasur Rizayev talabalar tomonidan qabul qilinayotgan ayni damdagi qasamyod ramziy tarzda ularning o‘qishda va keyingi shifokorlik faoliyati davomida oq xalatga munosib mutaxassis bo‘lishlariga undashini aytdi. Rektor talabalarning keyingi o‘qishiga muvaffaqiyatlar tiladi.

Samarqand davlat tibbiyot universitetining 1-bosqichiga qabul qilingan 2000 dan ortiq talaba “Talabalikka bag‘ishlov qasamyodi”ni tantanali ravishda qabul qildilar.