Senatorlar Senat raisi o‘rinbosari to‘g‘risidagi masalani ko‘rib chiqadi
Bugun Senat kengashining navbatdagi majlisi bo‘lib o‘tdi. Uni Senat raisi Tanzila Norboyeva olib bordi.
Majlisda Senat o‘ttiz ikkinchi yalpi majlisini 2022 yil 13 sentyabr kuni chaqirish to‘g‘risida qaror qabul qilindi.
Yalpi majlisda senatorlar Senat raisi o‘rinbosari to‘g‘risidagi masalani ko‘rib chiqadi.
Shuningdek, yalpi majlisda bir qator qonunlar muhokama qilinadi. “Elektron tijorat to‘g‘risida”gi, “Tashqi mehnat migratsiyasi to‘g‘risida”gi, “Elektron raqamli imzo to‘g‘risida”gi qonunlar shular jumlasidan.
“Fuqarolar davlat pensiya ta’minoti to‘g‘risida”gi qonunga o‘zgartishlar kiritish haqida”gi hamda “Ayrim qonun hujjatlariga o‘zgartish va qo‘shimchalar kiritish to‘g‘risida”gi qonunlar ham ko‘rib chiqiladi.
