Shvetsiya parlamenti NATOga a’zolikni tasdiqladi
Shvetsiya parlamenti ko‘pchilik ovoz bilan mamlakatning blokdan tashqarida maqomini tugatish va NATOga a’zo bo‘lish to‘g‘risidagi qonun loyihasini ma’qulladi: 296 ovoz yoqlab, 37 deputat qarshi chiqqan.
Shvetsiya hukumati iyul oyida Vilnyusda bo‘lib o‘tadigan sammitda Alyansga rasman qo‘shilish ehtimoli katta, deb hisoblamoqda.
Biroq Turkiya va Vengriya Skandinaviya davlatlarining arizalarini haligacha ratifikatsiya qilmagan. Anqara mart oyi oxirida Finlyandiya nomzodini tasdiqlashi mumkinligini, lekin Shvetsiyani emas deb aytgan. Budapesht, shuningdek, ikki davlat nomzodlarini alohida ko‘rib chiqishlarini qayd etgan.
