Talabalardan paxtaga chiqish bo‘yicha tilxat olinganmi? IIV bunga aniqlik kiritdi
Joriy yilning 10 sentyabr kuni ijtimoiy tarmoqlarda “MG, IIV va Bojxona institutlari talabalariga “paxtaga ko‘ngilli chiqaman” degan tilxat yozdirish boshlandi” sarlavhasi bilan tarqatilgan ma’lumot IIV tomonidan o‘rganilib, rasmiy munosabat bildirildi.
"Bugungi kunda Vazirlik Akademiyasidagi o‘quv jarayoni tasdiqlangan o‘quv rejasi va dasturlar asosida belgilangan kun tartibiga rioya qilingan holda amalga oshirilmoqda va barcha kursantlar o‘quv jarayonida to‘liq ishtirok etmoqda.
IIV Akademiyasi kursantlarini paxta terimiga jalb etish bo‘yicha Ichki ishlar vazirligi tomonidan biror-bir hujjat qabul qilinmagan", - deyilgan vazirlik bayonotida.
