To‘rtinchi tashabbus yoshlarni kitoblar atrofida birlashtirdi

Milliy gvardiya Samarqand viloyati bo‘yicha boshqarmasi yoshlarni kitobga bo‘lgan muhabbatini oshirish maqsadida Samarqand shahridagi Bog‘i Chinor va Alisher Navoiy nomli mahallalarida joylashgan 7- va 8-umumiy ta’lim maktablarida targ‘ibot tadbiri tashkil etdi.

Prezidentimiz tomonidan ilgari surilgan 5 tashabbus bo‘yicha o‘tkazilgan kitobxonlik kechasida dastlab o‘quvchilar bir asar tafsiloti bo‘yicha munozaraga kirishdi. So‘ngra “Men sevgan she’r” mavzusida Alisher Navoiy va Zahiriddin Bobur g‘azallari, Erkin Vohidov, Abdulla Oripov, Muhammad Yusuf she’rlarini yoddan aytishdi.

Tadbir yakunida "Kitob - sodiq do‘st" shiori ostida kitoblar yarmarkasi bo‘lib o‘tdi.