Universitetda "Besh muhim tashabbus" markazi tashkil etildi

Samarqand davlat veterinariya meditsinasi, chorvachilik va biotexnologiyalar universitetining yoshlar bilan ishlash, ma’naviyat va ma’rifat bo‘limi qoshida «Besh muhim tashabbus» markazining tantanali ochilish marosimi bo‘lib o‘tdi.

«Besh muhim tashabbus» markazida 20 dan ortiq ijodiy klub va to‘garaklar faoliyati yo‘lga qo‘yilgan. Markaz qoshidagi to‘garaklarda universitet hamda mahallalarning uch mingdan ortiq yoshlari qamrab olingan.
Markaz qoshida tashkil etilgan to‘garaklar yoshlarni yaxshi mutaxassis bo‘lishi uchun, qolaversa, kasb-hunarlarga yo‘naltirish uchun xizmat qiladi.
Universitet talabalari hamda mahallalar yoshlari ma’naviy-ma’rifiy va axloqiy-tarbiyaviy faoliyati tizimli tashkil qilinadi. Ularning bo‘sh vaqtlari mazmunli tashkil etilib, badiiy havaskorlik, madaniyat, san’at, jismoniy tarbiya, ommaviy sport va sog‘lomlashtirish tadbirlariga keng jalb etiladi. Shuningdek, talaba-yoshlarda axborot texnologiyalaridan foydalanish ko‘nikmalarini shakllantirish, yoshlar o‘rtasida kitobxonlikni targ‘ib qilish, xotin-qizlar bandligini oshirish maqsadida tashkil etilgan to‘garaklar ham mavjud.