Vazirlik maktab bitiruvchilaridan o‘z vaqtida pasport (ID-karta) olishlarini so‘radi

Abituriyentlarning oliy ta’lim muassasalariga kirishda tegishli hujjatlarni onlayn topshirish uchun bitiruvchilarning pasport (ID-karta) ma’lumotlarini "ABITUR" elektron dasturiga kiritish talab etiladi.

Maktabgacha va maktab ta’limi vazirligi 16 yoshga to‘lgan har bir bitiruvchi o‘z vaqtida pasport (ID-karta) olishi zarurligini eslatib o‘tdi.

Qayd etilishicha, Maktabgacha va maktab ta’limi vazirligining elektron ma’lumotlar bazasi Bilim va malakalarni baholash agentligining "ABITUR" elektron dasturi bilan integratsiya qilingan.