Xitoy: global yadroviy mojaro muqarrar emas, ammo AQSh Yevropadagi barcha yadro qurollarini olib chiqishi zarur

Garchi dunyoda keskinlik saqlanib qolayotgan bo‘lsa-da, yadro mojarosi muqarrar emas. Lekin AQSh Yevropadan barcha yadroviy qurollarini olib chiqishi va ularni dunyoning boshqa mintaqalarida joylashtirmasligi kerak, dedi Yadro qurolini tarqatmaslik to‘g‘risidagi sharh konferensiyasida Xitoy TIV qurolsizlanish departamenti rahbari Fu Son.

"Dunyoda vaziyat keskin, mojarolar ko‘p, lekin men yadro urushi muqarrar ekaniga ishonmayman. Chunki Xavfsizlik Kengashining barcha doimiy a’zolari "Yadro urushida g‘alaba qozonib bo‘lmaydi va u boshlanmasligi zarur", degan ma’lum formulaga sodiqdir", dedi.

Uning ta’kidlashicha, Rossiya prezidenti Vladimir Putin ham konferensiya ishtirokchilariga yo‘llagan murojaatida ushbu formulaga sodiqligini bildirgan va yil boshida BMT Xavfsizlik kengashining doimiy a’zo davlatlari rahbarlari ham bayonot bilan chiqishgan.