Yoshlarda to‘g‘ri axborot olish madaniyatini kim shakllantiradi?

Bugungi zamon hamma narsaga teranlik bilan real qarashni, yuksak maqsadlar yo‘lida fidoyi va qat’iyatli bo‘lishni taqozo etmoqda.

Shu bois yosh avlod ongida u yoki bu mavzu xususida noto‘g‘ri tasavvur paydo bo‘lmasligi kerak. Buning uchun esa muallim va murabbiylar, ma’naviyat sohasi xodimlari yoshlarning qalbi va ongini yot, zararli ta’sirlardan asrash uchun kurashishi, axborot oqimi jadallashuvi sharoitida milliy-axloqiy qadriyatlarni yoshlar ma’naviyatiga singdirishning ta’sirchan omillarini izlab topishi haqida ko‘proq o‘ylashimiz zarur.

Tadbirlarda axborotning salbiy va ijobiy xususiyatlarini farqlash, yaxshi ma’lumotni o‘zlashtirish, zararlisini rad etish uchun inson ongi rivojlangan, o‘zi esa mustahkam irodali bo‘lishi lozim, degan fikrni bildirish kerak. Yoshlar bu borada nafaqat katta yoshdagi kishilardan o‘rganishi, balki o‘zlari ham bir-biriga yaxshi ibrat bo‘lishi zarur.

Otabek Salixov,

Samarqand viloyati IIB huzuridagi TB O‘MIB tergovchisi.