Yuridik xizmatlar faoliyatini tashkil etishda hali kamchiliklar bor

Past Darg‘om tumani adliya bo‘limida jismoniy va yuridik shaxslarning murojaatlarini ko‘rib chiqish, yuridik xizmat faoliyatini tashkil etish, shartnomaviy munosabatlar va sudlarga da’vo arizalarini kiritish tartib-taomillari to‘g‘risida seminar bo‘lib o‘tdi.

- Prezidentimizning 2017 yil 19 yanvardagi «Yuridik xizmat faoliyatini tubdan takomillashtirish chora-tadbirlari to‘g‘risida»gi qarori bilan tashkilot, korxonalarga tayinlanayotgan yuristkonsultlar tegishli tartibda viloyat adliya boshqarmasidan suhbatdan o‘tganidan so‘ng tayinlanishi o‘zining ijobiy natijasini beryapti, - deydi fuqarolik ishlari bo‘yicha tuman sudi raisi A.Boltayev. – Nomzodlar suhbatga tayyorlanish asnosida sohaga oid qonun va qonunosti hujjatlarini o‘qib chiqishga majbur bo‘ladi. Afsuski, yuristkonsultlar tomonidan kiritilayotgan shartnomaviy-huquqiy va talabnoma-da’vo ishlarida kamchiliklar uchramoqda.

Seminarda yuridik xizmatlarni tashkil etish tartibi, ularning shtat birliklarini belgilash me’yorlari va boshqa masalalar yuzasidan batafsil ma’lumot berildi.

Navro‘za MAMASOLIYEVA.