Yurtimizda nodavlat oliy ta’lim tashkilotlari soni qancha?

Davlat statistika qo‘mitasi ma’lumotiga ko‘ra, respublikamizda 2019/2020 o‘quv yili boshida jami oliy ta’lim tashkilotlari soni 119 tani tashkil etgan. Mazkur oliy ta’lim tashkilotlarida jami 441,0 ming nafar talaba tahsil olmoqda.

2019/2020 o‘quv yili boshida nodavlat oliy ta’lim tashkilotlari soni 24 tani tashkil etib, ularda jami 20,2 ming nafar talaba tahsil olmoqda. Bu jami talabalarning 4,6 foizini tashkil etadi.

Mamlakatimizdagi nodavlat oliy ta’lim tashkilotlari jami oliy ta’lim tashkilotlarining 20,2 foizni tashkil etadi.
Nodavlat oliy ta’lim tashkilotlari soni yillar kesimida:
2015 yilda 10 ta,
2016 yilda 10 ta,
2017 yilda 10 ta,
2018 yilda 14 ta,
2019 yilda 24 ta.