Тезликни оширган "Damas" ағдарилиб кетди, уч киши жароҳат олди
1 июнь куни соат 07:30 ларда Қўшработ тумани "Қўрғон" маҳалла фуқаролар йиғини ҳудудидан ўтувчи 4Р-55 автомобиль йўлининг 15 километрида "Damas" русумли транспорт воситаси катта тезликда ҳаракатланиб келиб, бошқарувни йўқотиб йўлнинг ўнг тарафига ағдарилиб кетган.
Оқибатда транспорт воситасида бўлган ҳайдовчи ва икки нафар йўловчи тан жароҳатлари олиб, туман тиббиёт бирлашмасига мурожаат қилган.
Ҳолат юзасидан Жиноят кодексининг 266-моддаси 1-қисми билан жиноят иши қўзғатилиб, тергов ҳаракатлари олиб борилмоқда.
