Андроид қурилмалар учун Zarnews.uz мобил иловаси. Юклаб олиш x

Андижонда бўш вагонлар темир йўл изидан чиқиб кетган

Бугун, 12 декабрь куни соат 07:30 ларда Қозоғистон Республикасидан 13 та ярим очиқ вагонларда “ОООТА Миниралс” МЧЖ номига кўмир махсулотлари келтирилган.

Пайтуғ темир йўл бекатининг 7-йўлига қўйилган ва кўмир маҳсулотлари тушириб бўлингандан кейин вагонларнинг ғилдиракларининг тагига темир йўл башмаклари маҳкамланмаганлиги сабабли ҳамда ушбу ярим очиқ бўш вагонларнинг паст томонга ҳаракатланиб кетиши оқибатида 63080675-сонли ярим очиқ бўш вагон темир йўлнинг чап томонидаги ариққа тушиб кетган ва 60745015-сонли ярим очиқ бўш вагоннинг олди ғилдираклари темир йўл изидан чиқиб кетган.

ИИВ ахборот хизмати хабарига кўра, ҳодисада тан жароҳати олганлар йўқ.

Хозирда қўшимча суриштирув ишлари олиб борилмоқда.