Андроид қурилмалар учун Zarnews.uz мобил иловаси. Юклаб олиш x

Автоқатнов чекловлари натижасида Самарқандда ҳаво тозаланмоқда

Самарқанд вилоятида жами 380 мингга яқин автотранспорт воситаси бўлиб, шундан 354 мингдан ортиғи ёки 93,4 фоизи хусусий сектор, 24951 дан ортиғи ёки 6,6 фоизи давлат секторидаги транспорт воситаларидир.

Ушбу автотранспорт воситаларининг ҳаракатланиши натижасида атмосферага йилига 103 минг тонна ифлослантирувчи моддалар чиқарилади.

Коронавирус пандемияси сабабли карантин эълон қилингандан бошлаб, жорий йилнинг 16 апрелига қадар автотранспорт воситаларининг қатновига қўйилган чеклов натижасида вилоятда ҳаракатдаги манбалардан 8250 тонна ифлослантирувчи моддаларнинг атмосфера ҳавосига ташланиши камайган.

Самарқанд шаҳридаги мавжуд гидрометеопостлардан олинган ҳаво намуналарида ўтказилган кимёвий таҳлиллар ҳам буни тасдиқлади.