Ayrim ko‘chalarda transport vositalari harakati vaqtinchalik to‘xtatiladi

Samarqand shahar hokimining 2019 yil 4 maydagi 212-F-sonli farmoyishiga asosan “9 may – Xotira va qadrlash kuni” umumxalq bayrami munosabati bilan bayram tadbirlari o‘tkaziladigan hududlarda jamoat tartibini saqlash hamda yo‘l harakati xavfsizligini ta’minlash maqsadida Samarqand shahrining quyidagi ko‘chalarida transport vositalarining harakati vaqtinchalik to‘xtatiladi:

6 may kuni soat 7:00 dan 11:00 gacha:

- Registon ko‘chasining Registon maydonidan Amir Temur haykalining oldidagi maydonigacha bo‘lgan qismida:

- Bo‘stonsaroy ko‘chasining Amir Temur ko‘chasi bilan kesishgan chorrahasidan Amir Temur haykalining oldidagi maydonigacha bo‘lgan qismida:

- Universitet xiyoboni ko‘chasida,  G-34 yo‘lining Universitet xiyobonidan Muqimiy ko‘chasi bilan kesishgan chorrahasigacha bo‘lgan qismida;

7 may kuni soat 7:00 dan 11:00 gacha:

- Mahmud Koshg‘ariy ko‘chasining Mirzo Ulug‘bek ko‘chasi bilan kesishgan chorrahasidan Amir Temur ko‘chasigacha bo‘lgan qismida:

9 may kuni soat 7:00 dan 17:00 gacha:

• Kamol Ota Turk ko‘chasining Shohruh ko‘chasi bilan kesishgan chorrahasidan Alisher Navoiy ko‘chasigacha bo‘lgan qismida.