Android qurilmalar uchun Zarnews.uz mobil ilovasi. Yuklab olish x

Tug‘ilgan kun: Vazirlar Mahkamasi huzuridagi Imom Buxoriy xalqaro ilmiy-tadqiqot markazi direktori Shovosil Ziyodov 1973 yil 17 yanvarda Toshkent shahrida tug‘ilgan

Shovosil Ziyodov 1995 yil Toshkent davlat sharqshunoslik institutini tamomlab, O‘zbekiston Fanlar akademiyasi Beruniy nomidagi Sharqshunoslik institutida faoliyat yuritgan. U 2017 yil O‘zbekiston Respublikasi Vazirlar Mahkamasi huzuridagi Imom Buxoriy xalqaro ilmiy-tadqiqot markazi direktori sifatida ish boshlagunga qadar Imom Buxoriy xalqaro markazi direktori lavozimida ishlagan.

Tarix fanlari nomzodi Shovosil Ziyodov “Abu Mansur Moturidiy va uning “Kitob at-Ta’vilot” asari” nomli monografiya muallifi. Mintaqamizda va xorijda kalom tarixi, Sharq qo‘lyozmalariga oid ko‘plab ilmiy maqola, risola va kataloglar nashr ettirgan. Ko‘plab xorijiy va milliy ilmiy anjumanlarda ishtirok etgan. Shuningdek, Germaniya, Fransiya va Buyuk Britaniya Sharqshunoslik markazlarida malaka oshirgan.

O‘zA.